Pintura honek kriston zalaparta sortu zuen bere garaian. Idealizatu gabeko
gorputz biluzia erakusteagatik.
Koadro osoan zehar nabari dezakegu koloreen kontrasteen joko sentsuala,
intimitate puruaren aurkezpen irekia. Zuriaren eta beltzaren arte elkarrizketa
argia; liskar adiskidetsua.
Irudi zentrala Parisko
prostituta findu baten posatu larrugorria da.
Ogibide hau gauzatzen zuela puntu ezberdin batzuetan ikusi ahal da.
Lehenengo, koadroaren beraren izenean “Olympia”. Oso ezizen arrunta zen
prostituten artean. Bigarrena, koadroan agertzen den beste pertsona batek lore
buketa bat eskaintzen diolako. Suposatzen da hirugarren pertsona batena dela
eta hau, detaile orokorra zen prostituten klienteen eta emakume hauen artean.
Olympia ez da bakarrik
agertzen. Emakume beltzaren aurpegia nagia eta fondo ilunarekin oso argi ez
ikusi, Olympiaren eskuinaldean kokatzen da. Aurpegi ia ikusezina, morroiak
bezalaxe: transparenteak besteen begien aurrean. Hango errealitatearen metafora
argia.
Bere eskuetan lore sorta bat darama eta gorputzaren posizioagatik ulertzen
da, ohean etzanda dagoen emakume biluziarentzat dela.
Lore hauetan koadro osoan ikus ditzakegun kolore puntu bakarrak agertzen
dira. Biluzik dagoen emakumearen maitalearen esaldiak izango balira bezala,
edota, dituen bezero bakoitzaren irudikapena.
Olympiaren oinen
alboan katu beltz bat ikusten da. Felido mota hauek oso presente ego dira
Maneten oihaletan, hain zen horrela non, “katuen margolaria” izendatzen omen
zioten.
Animalia hau, betidanik lotu da erotismo, anbiguotasun eta promiskuitatearekin.
Berriz ere metafora bat, katuaren irudia Olympiaren berearen errepresentazioa
da. Animalizazioa. Katu honek bizkar morkotsa du, beldurrez eraso egongo balitz
bezala.
Olympiak zuzenean
begiratzen die ikusleen begiei, probokatzeko nahiekin edo.
Bestalde, zapata batek bakarrik janzten du bere oina, errugabetasunari agur
esanez. Fetitxismoaren orgasmoari kaixo.
Mami leuneko eta atezuko Andrea. Bular borobil eta ondo egina. Txikia baina
sentsuala. Larru zurikoa, neguko histasun osasuntsuarekin. Ileak orkidea
batekin apainduak. Aluaren formako lore zoragarria.
Bere aurpegiaren
adierazpenak erosotasuna eta lotsagabekeria dotorea aurkezten du. Perfumearen eta
pozoiaren artean jarri dezakegunen tamaina txikiko gorputza. “Corpus delicti”
biluziaren arropa-gisa zapata bakarra, eskumuturrekoa eta lepoko begizta beltza
dira. Azkeneko honek mendekotasun sotil baten metafora jolasten du. Olympiaren
lanaren eta gizonezkoen menpe nahita hartutako eserleku metaforikoa.
Garaiko ohitura sexual
modernoen antzezpen errealista da Maneten koadro hau. Metaforak metafora, oihal
honen puntu guztiak sexuaren eta alde sentsualaren hizkuntzan aurkeztu dira.
No hay comentarios:
Publicar un comentario