Sutetik sutera

Txinatar horoskopoak dioenez 2012 Dragoiaren urtea da.

Belaunaldiz belaunaldi kontatzen diren kondairek, dragoiek ahotik sua botatzen duten munstroa dela diote. Historiaren garai batean existitu baldin baziren, badirudi haietariko bat Espainiako baso, mendi eta lautadekin grinatu dela aurten.

                Txirenak alde batera utzita, hondamenezko urtea izan da Estatu espainola osoarentzat.

Valentzian eta Leonen gertatutako suteek eragin dituzten kalteak ia zenbagabeak bilakatu dira. Baina bi probintzia horien ez ezik, Estatuko beste askok ere, sutearen kalteak pairatu dituzte, Malagak, Guadalajarak, Murciak, Zamorak, Tarragonak, A Coruñak, Toledok, Hueskak eta Kanariar Irlak haien artean.

Azkar esaten da, baina oso komunitate gutxi geratu dira sutearen esku kiskalduetatik kanpo.

                Erretako hektareak batera jarriko bagenitu Italia estatua bezalako lurralde ikaztu bat izango genuke. Agian horrela ez gara ohartzen zorigaitzaren bolumenaz, beraz, futbol zelai batekin konparatuko dugu. Imajina ezazu San Mames zelaiak okupatzen duen lekua 60.000 bider biderkatuz gero agertze den espazioa. Eta eragiketaren emaitza 2012 urtean zehar sutean jan duen basoa dela. Sinesgaitz eta tristeak dira datuak.

                Gainera, mendietan eta basoetan bizi diren animalia desberdin asko bizitokirik gabe geratu dira.

                Une honetara iritzita gutxixeago axola zaigu sutea nola hasi den. Egia esan ez da berdina tximista batek sutea sortzea eta suzale bat eragitearen kasuak, baina inportanteena geratu den lurzorua erabat osatzea garbitzea eta ernaberritzen laguntzea da. Eta horretarako, oihan-zaintzaileek izugarrizko lana egiten dute urte osoan zehar, nahiz eta telebistan asko ez agertu eta ondorioz, gure buruetan ez izan.

Pertsona aditu hauen aburuz prebentzioa da pausurik garrantzitsuena. “Begi bistan dagoen gauza bat izanda ere, behin eta berriz errepikatu beharra dugu” dio Valentziako oihan-zaintzaile batek.

Arrazoi oso du gizon honek eta bere lankideekin proposatzen dituen erremedioen artean hauek biak dira aipagarrienak: gaztetatik azaltzea nola zaindu behar dugun natura eta beldurrik ez izatea jendeari apropos egindako suteak nolako ondorioak eragin ditzakeen aurkeztea.

                Erabat erre den herrialde honen esaera zaharrak “el que juega con fuego se quema” primeran aurkezten du ailegatu garen egoera zein den.