Tema recurrente

Barnetegian egindako idazlanen bat...

Kontsumo gizartea

                Kontsumitzea da gaur egungo gizartearen aditzik gustukoena. Pentsatu Gabe erostea bultzatzen gaituen jende multzoaren parte gara.

Eta droga bat izango balitz bezala jokatzen dugu. Zail askoa egiten zaigu kontsumo gizarte honetatik ateratzea. Leku guztietatik bonbardatzen gaituzte geure poltsikoak husteko azkeneko tramankulu elektronikoa edota ez dakit zein famatuk daraman prakak erosteko. Eta lehenbailehen (hauek amaitu aurretik!).

                Gobernuak abisatu zuen BEZA igoko zuela irailaren lehenengoan. Eta berro hori entzun orduko, denda askotan hasi zuten jartzen “eros ezazu BEZA igo aurretik” edo antzeko sloganak. Kontsumismo zorrotza!

Zertarako erosiko dugu hozkailu berri bat BEZA igo aurretik? Merkeagoa delako? Hobe genuke geure buruari galdetzea ea behar dugun ala ez.

                Ailegatu garen puntu honetan kontsumitzeagatik kontsumitzen da. Benetan behar ditugun baino askoz gehiagorekin bizi gara. Eta sorgin gurpilean gaude, hau da, gauza bat erosi eta hilabete batzuen buruan beste baten gura dugu.

Sortzen dituzten produktuak aldez aurretiko hiltzeko data dute. Nola jokatu horren kontra?

Lehen, garbigailu batek hogei bat urteko bizitza izaten zuen. Gaur egungoak, aldiz, ez du ezta bestearen bizi erdia irauten.

Ordenagailu eta sakelako telefonoekin gauza bera. Bat hartu, hurrengo urtean beste modelo bat askoz ere azkarragoa, politagoa eta erabilgarriagoa ateratzen dute merkatura.

                Marka ahaltsuenek euren estrategia dute: erosi dugun produktua izorratzen bazaigu, hau konpontzea beste berri bat erostea baino garestiago jartzen dute. Horrela ikusita, nahiago izaten dugu produktu berrira jotzea, daukaguna konpontzea baino.

                Beste garai batzuetako jendeak, guk baion askoz hobeto zaintzen zituen gauzak. Eta gehiago irauteko ere egiten ziren. Horren adibiderik argien, emakumeen “panty”-ak dira. Asmatu zituztenean bizitza osorako izan ohi ziren. Baina pantyen entrepresak konturatu ziren hori ez zela errentagarria. Eta gaur egun ditugun “papel de fumar” bezalako mediak ia-ia ukitzearekin bakarrik apurtzen dira. Negozio hutsa.

                Erosi eta botatzeko jarrera honekin jarraituz gero, zabortegi erraldoia bilakatuko dugu, hau, geure Lurra.